Jin

Kim Seok-jin (tug‘ilgan sanasi: 1992-yil, 4-dekabr), sahna nomi Jin — janubiy koreyalik xonanda, qo‘shiqnavis va aktyor. U BigHit Music tarkibidagi BTS guruhining a'zosi. Jin 2019-yilda "Tonight", 2020-yilda "Abyss" va 2021-yilda "Super Tuna" kabi mualliflik raqamli singllarini chiqargan. 2022-yilda u "The Astronaut" singli bilan yakkaxon ijodkor sifatida debyut qilgan. 2024-yil oktabr oyida Jin "Super Tuna" singlining kengaytirilgan versiyasi va unga ishlangan yangi musiqiy videoni taqdim etdi. Keyingi oyda uning debyut mini-albomi "Happy" chiqdi va u Billboard World Albums chartida 2-o‘rinni, Billboard 200 chartida esa 4-o‘rinni egalladi. 2025-yilda Jin o‘zining ikkinchi albomi "Echo"ni chiqardi va u Billboard 200 chartida 3-o‘rinda qayd etildi. Shu yili u ilk yakkaxon konsert turnesi — RunSeokjin Ep. Tour'ni boshladi. 2018-yilda BTS a'zolari bilan birgalikda Koreya madaniyatiga qo‘shgan hissasi uchun Janubiy Koreya Prezidenti tomonidan beshinchi darajali "Hwagwan" madaniy xizmatlari ordeni bilan taqdirlangan.