Jimin

Pak Ji-min (1995-yil 13-oktabrda tug‘ilgan), Jimin nomi bilan tanilgan — janubiy koreyalik xonanda, qo‘shiqnavis va raqqos. U BigHit Music ostidagi BTS guruhining a'zosi. Jimin 2018-yilda "Promise" va 2020-yilda "Christmas Love" singllarini chiqargan. 2023-yilda uning ilk yakkaxon albomi "Face" taqdim etilgan bo‘lib, u Janubiy Koreya va Yaponiyada birinchi, AQSH Billboard 200 chartida esa ikkinchi o‘rinni egalladi. Albomdagi "Like Crazy" qo‘shig‘i koreyalik yakkaxon ijrochining AQSH Billboard Hot 100 chartida birinchi o‘rinni egallagan ilk taronasi bo‘ldi. 2024-yilda u "Muse" nomli ikkinchi albomini va "Who" singlini chiqardi. 2018-yilda Koreya madaniyatiga qo‘shgan hissasi uchun BTS a'zolari bilan birga Janubiy Koreya prezidenti tomonidan "Hwagwan" ordeni bilan taqdirlangan.