Deepika Padukone

Deepika Prakash Padukone (1986-yil 5-yanvarda tugʻilgan) — hindistonlik kino aktrisasi, dunyodagi eng koʻp haq oladigan aktrisalardan biri. Hind tilidagi filmlarda muvaffaqiyatli ijod qilib kelmoqda va uch karra Filmfare mukofoti sovrindori boʻlgan. Kopengagenda tugʻilib, Bangalorda oʻsgan Padukone dastlab badminton bilan shugʻullangan, keyinchalik modellikka oʻtib, 2006-yilda aktrisalik debyutini qilgan. Uning kino karyerasidagi burilish nuqtasi 2012-yilgi "Cocktail" filmi boʻldi, shundan soʻng u "Yeh Jawaani Hai Deewani" (2013), "Chennai Express" (2013), "Bajirao Mastani" (2015) kabi kassabop filmlarda bosh rollarni ijro etdi.