Ranveer Singh

Ranveer Singh Bhavnani (1985-yil 6-iyulda tugʻilgan) — hind kinosida faoliyat yurituvchi aktyor. Indiana universitetini tamomlagandan soʻng, u aktyorlik karyerasini boshlash uchun Hindistonga qaytib keldi. U 2010-yilda Yash Raj Films kompaniyasining “Band Baaja Baaraat” nomli romantik komediyasidagi bosh rol bilan debyut qilgan. Film tanqidchilar eʼtirofiga sazovor boʻlib, tijoriy jihatdan muvofaqqiyat qozondi va Singhga “Eng yaxshi erkak debyuti” nominatsiyasida Filmfare mukofotini olib keldi. Shundan soʻng Singh “Lootera” (2013) romantik dramasida, Sanjay Leela Bhansalining “Goliyon Ki Raasleela Ram-Leela” (2013) fojiali melodramasida (oʻsha paytdagi eng yirik tijoriy muvaffaqiyati) hamda “Gunday” (2014) jangari dramasida suratga tushdi. 2015-yilda u “Dil Dhadakne Do” komediyaviy dramasida rol oʻynadi va Bollivudning eng koʻp daromad keltirgan filmlaridan biri boʻlgan “Bajirao Mastani” tarixiy romantik filmida Bajirao obrazini gavdalantirib, tanqidchilar olqishiga sazovor boʻldi va “Eng yaxshi aktyor” nominatsiyasida Filmfare mukofotini qoʻlga kiritdi.