Clannad2007

Tomoya Okazaki hayotidan norozi bo'lgan o'rta maktabning bitiruvchi sinf o'quvchisi. Onasi yoshligida avtohalokatda vafot etgan, bu esa otasining ichkilik va tamakiga ruju qo'yishiga sabab bo'lgan. Ota-bola o'rtasidagi kelishmovchiliklar Tomoyaning yelkasidan jarohat olishi bilan yakunlanadi. Shundan buyon Tomoya otasi bilan uzoqlashib ketadi va asta-sekin qiyin tarbiyali o'smirga aylanadi. Maktabga ketayotib, u o'zidan bir yosh katta, biroq kasalligi tufayli sinfda qolib ketgan Nagisa Furukawa ismli g'alati qiz bilan tanishadi. Qizning do'stlari maktabni bitirib ketgani uchun u ko'pincha yolg'iz yuradi. Ular birga vaqt o'tkaza boshlaydilar va asta-sekin Tomoyaning hayoti yangi yo'nalishga o'zgara boshlaydi.