Zhang Ziyi

Chjen Tsziyi (1979-yil 9-fevralda tugʻilgan) — xitoylik aktrisa. U ilk yirik rolini 1999-yilda «Uyga yoʻl» filmida ijro etgan. Keyinchalik 10 ta «Oskar» mukofotiga nomzod boʻlgan «Yoʻlbars va ajdarho» (2000) kartinasi orqali katta shuhrat qozondi. Gʻarbda u asosan «Rush Hour 2» (2001), «Qahramon» (2002), «2046» (2004) va «Uchar xanjarlar uyi» (2004) filmlari orqali tanilgan. Uning eng eʼtirof etilgan ishlari sirasiga «Geyshaning xotiralari» (2005) kiritilib, mazkur roli uchun «Oltin globus», BAFTA va Kinoaktyorlar gildiyasi mukofotlariga nomzod boʻlgan. Shuningdek, «Buyuk usta» (2013) filmidagi roli uchun 12 ta turli "Eng yaxshi aktrisa" mukofotini qoʻlga kiritib, bitta film uchun eng koʻp mukofotlangan aktrisaga aylangan.