Michelle Yeoh

Michelle Yeoh (asl ismi Yeoh Choo Kheng, 1962-yil 6-avgustda tug‘ilgan) — malayziyalik aktrisa. Qirq yildan ortiq davom etgan faoliyati davomida u turli janrdagi loyihalarda qatnashib, "Oskar" va "Oltin globus" mukofotlari jumladan, ko‘plab nufuzli sovrinlarni qo‘lga kiritgan va BAFTA mukofotiga ikki marta nomzod bo‘lgan. Ilk faoliyatida Michelle Khan taxallusi ostida suratga tushgan aktrisa 1980–1990-yillarda Gonkongning jangari va va kung-fu filmlarida o‘zi tryuklarni bajarib mashhurlikka erishgan. Uning bu davrdagi rollari qatoriga "Yes, Madam" (1985), "Magnificent Warriors" (1987), "Police Story 3: Super Cop" (1992), "The Heroic Trio", "Tai Chi Master" (har ikkisi 1993) va "Wing Chun" (1994) filmlari kiradi. Qo‘shma Shtatlarga ko‘chib o‘tgach, Yeoh Jeyms Bond haqidagi "Tomorrow Never Dies" (1997) filmi va Enn Lining "Crouching Tiger, Hidden Dragon" (2000) vuxya filmi bosh rollari bilan xalqaro miqyosda tanildi; so‘nggi film unga BAFTA mukofotining "Bosh roldagi eng yaxshi aktrisa" nominatsiyasini keltirdi. Uning Hollywooddagi faoliyati "Memoirs of a Geisha" (2005), "Sunshine" (2007) hamda "The Mummy: Tomb of the Dragon Emperor" (2008) filmlaridagi rollari bilan davom etdi. Shuningdek, u Gonkong va Xitoy kinoteatrlarida suratga tushishni davom ettirib, "True Legend" (2010), "Reign of Assassins" (2010), "Crouching Tiger, Hidden Dragon: Sword of Destiny" (2016) va "Master Z: Ip Man Legacy" (2018) kabi filmlarda rol o‘ynagan. 2011-yilda u Britaniyaning "The Lady" biografik filmida Aung San Suu Kyi rolini gavdalantirdi.