Wagner Moura

Vagner Manisoba de Moura (1976-yil 27-iyunda tugʻilgan) — braziliyalik aktyor va kinoijodkor. Uning mukofotlari qatoriga „Oltin globus“, Kann kinofestivalining mukofoti va beshta Braziliya akadimyasi kino mukofoti kiradi. Shuningdek, u „Oskar“, „Anni“ va „Tanqidchilar tanlovi“ mukofotlariga ham nomzod boʻlgan. Time jurnali 2026-yilda uni dunyodagi eng nufuzli 100 kishidan biri deb eʼlon qildi. Braziliyada „Elite Squad“ (2007) kriminal filmi va uning 2010-yildagi davomidagi kapitan Nasimentu roli bilan tanilgan Moura Hollywoodda janubiy amerikaliklar uchun ijobiy qiyofani yaratish harakatining faol ishtirokchisiga aylanib, „Elysium“ (2013) ilmiy-fantastik filmida ikkinchi darajali rolni ijro etdi. 2015-yilda u Netflix’ning „Narcos“ kriminal serialida narkobaron Pablo Eskobar rolini mahorat bilan ijro etib, xalqaro eʼtibor va tanqidchilar olqishiga sazovor boʻldi va ilk bor „Oltin globus“ mukofotiga nomzod boʻldi. Moura „Sergio“ (2020) dramasi, „Puss in Boots: The Last Wish“ (2022) animatsion filmi, „Civil War“ (2024) jangari trilleri va „Dope Thief“ (2025) miniserialidagi rollari bilan yanada katta eʼtirofga sazovor boʻldi. U „The Secret Agent“ (2025) siyosiy trillerida sobiq professor rolini gavdalantirgani uchun Kann kinofestivalining „Eng yaxshi aktyor“ mukofotini qoʻlga kiritgan birinchi janubiy amerikalik aktyor boʻldi.