Ana de Armas

Ana Celia de Armas Caso (1988-yil 30-aprelda tug'ilgan) — kubalik-ispan aktrisasi. U karyerasini Kubada 16 yoshida "Virgin Rose" (2006) romantik jinoyat dramasidagi bosh rol bilan boshlagan. 18 yoshida ona tarafdan buva va buvisining fuqaroligi evaziga Ispaniya pasportini qo'lga kiritgan va aktrisalik faoliyatini davom ettirish uchun Madridga ko'chib o'tgan. U yerda mashhur "El Internado" (2007–2010) dramasida bosh rolni ijro etgan. 2014-yilda Los-Anjelesga ko'chib o'tib, ingliz tilidagi "Knock Knock" (2015) psixologik trilleri va "War Dogs" (2016) komediyasida suratga tushgan. De Armas "Blade Runner 2049" (2017) ilmiy-fantastik filmidagi sun'iy intellekt – Joi roli hamda "Knives Out" (2019) detektiv filmidagi hamshira Marta Cabrera obrazi bilan tanilgan va oxirgisi uchun "Oltin globus" mukofotining "Eng yaxshi aktrisa" nominatsiyasini qo'lga kiritgan. Keyinchalik u Jeyms Bond haqidagi "No Time to Die" (2021) filmida agent Paloma rolini va "Blonde" (2022) biografik dramasida Merilin Monro obrazini gavdalantirgan, buning uchun "Eng yaxshi aktrisa" yo'nalishida "Oskar" mukofotiga nomzod bo'lgan tarixdagi ilk kubalik aktrisaga aylandi. U shuningdek "John Wick" franshizasining spin-offi bo'lgan "Ballerina" (2025) jangari trillerida bosh rolni ijro etgan.