Roman Coppola

Roman François Coppola (1965-yil, 22-aprel) — Francis Ford Coppola’ning oʻgʻli, amerikalik rejissyor, ssenariynavis, prodyuser va tadbirkor. 2012-yilda u va hammuallif Wes Anderson “Moonrise Kingdom” filmi uchun Oskar mukofotiga nomzod boʻlishgan. Uning “Mozart in the Jungle” teleseriali 2016-yilda “Oltin globus” mukofotini qoʻlga kiritgan. 2019-yilda Coppola Kino sanʼati va fanlari akademiyasiga aʼzo boʻldi. Coppola San-Fransiskodagi “American Zoetrope” kino kompaniyasi prezidenti va musiqa videolari hamda reklama mahsulotlari bilan shugʻullanuvchi “The Directors Bureau” kompaniyasining asoschisi. U oʻz rejissyorlik faoliyatini Francis Ford Coppola’ning “Bram Stoker’s Dracula” filmi ustida ishlashdan boshlagan va buning uchun vizual effektlar boʻyicha BAFTA mukofotiga nomzod boʻlgan. U otasining, shuningdek, Wes Anderson va singlisi Sofia Coppola’ning koʻplab filmlarida ikkinchi guruh rejissyori sifatida ishlagan. 1990-yillarda u nufuzli musiqa va reklama roliklari rejissyori sifatida tanilgan.