Richard Gere

Richard Tiffany Gere (1949-yil 31-avgustda tug'ilgan) — amerikalik aktyor va prodyuser. U 1970-yillarda kineomatografiyaga kirib kelib, "Looking for Mr. Goodbar" (1977) filmida ikkinchi darajali rolni va "Days of Heaven" (1978) filmida bosh rolni ijro etgan. U "American Gigolo" (1980) filmidagi roli orqali katta shuhrat qozonib, bosh aktyor va jinsiy ramz maqomini oldi. Shundan so'ng u ko'plab e'tirof etilgan filmlarda, jumladan, "An Officer and a Gentleman" (1982), "The Cotton Club" (1984), "Pretty Woman" (1990), "Sommersby" (1993), "Primal Fear" (1996), "Runaway Bride" (1999), "I'm Not There" (2007), "Arbitrage" (2012) hamda "Norman: The Moderate Rise and Tragic Fall of a New York Fixer" (2016) kabi kartinalarda bosh rollarni o'ynadi. Oskar mukofotiga sazovor bo'lgan "Chicago" (2002) musiqiy filmida Billi Flinn rolini gavdalantirgani uchun u "Oltin globus" mukofotini qo'lga kiritdi hamda aktyorlar tarkibi safida "Screen Actors Guild" mukofotiga sazovor bo'ldi.