Najiba Malikova

Najiba Hoshimboy qizi Malikova (1921-yil 25-oktyabr, Boku, Buzovna – 1992-yil 27-iyul, Boku) — ozarbayjonlik sovet aktrisasi, Ozarbayjon SSR xalq artisti. U ko‘proq kino aktrisasi sifatida tanilgan bo‘lsa-da, ijodiy faoliyati teatr bilan chambarchas bog‘liq. Boshlang‘ich ma’lumotni qishlog‘ida olgan. 1940–1943-yillarda Boku teatr bilim yurtida Ozarbayjon xalq artisti Fotima Qadri sinfida tahsil olgan. O‘qishni tugatgach, Ganja davlat drama teatrida ish boshlaydi. Bokuga qaytgach, Teatr institutiga o‘qishga kirib, 1951-yilda tamomlaydi. 1952-yildan Milliy drama teatrida epizodik rollar ijro etgan bo‘lsa-da, uning sahnadagi faoliyati ancha oldinroq, 1938-yilda boshlangan. Najiba Malikova zamondoshlari yozgan dramalarda ko‘plab yetakchi rollarni ijro etgan, uning komedik rollari ham tomoshabinlar tomonidan juda sevilgan. 1959-yil 10-iyunda “Ozarbayjon Respublikasida xizmat ko‘rsatgan artist”, 1974-yil 1-iyunda esa “Xalq artisti” unvoniga sazovor bo‘lgan. Boku shahridagi Faxriy xiyobonga dafn etilgan.