Adil Isgandarov

Adil Rza o‘g‘li Isgandarov (ozarbayjoncha: Adil İsgəndərov) — ozarbayjonlik teatr va kino rejissori, aktyor, Transkakkaziyadan chiqqan SSSRning ilk xalq artisti. Isgandarov 10 yoshidayoq havaskorlik to‘garagiga qatnashgan. 13 yoshida "Qochag Karam" spektaklida Karam rolini ijro etgan. Gandjada tanilgach, Boku shahriga taklif qilingan. Dastlabki rejissyorlik va aktyorlik ta'limini Bokudagi Teatr texnikumida olgan. O‘qishni tamomlagach, 1932–1936-yillarda Moskvada professional tajriba to‘plagan va 1936-yilda Lunacharskiy nomidagi Davlat teatr san'at institutini bitirgan. Bokuga qaytgach, 1936–1960-yillarda Ozarbayjon davlat akademik milliy drama teatrida rejissyor, keyinchalik bosh rejissyor bo‘lib ishlagan. Shuningdek, 1937–1956-yillarda Mirzaag‘a Aliyev nomidagi Ozarbayjon davlat madaniyat va san'at universitetida faoliyat yuritgan. 1955 va 1959-yillarda Ozarbayjon SSR Oliy Kengashiga deputat etib saylangan. 1966–1974-yillarda Ja'far Jabbarli nomidagi "Azərbaycanfilm" kinostudiyasiga rahbarlik qilgan.