Münir Özkul

Münir Özkul (1925-yil 15-avgust — 2018-yil 5-yanvar) — turk kino va teatr aktyori, Turkiyaning «Davlat artisti» unvoni sohibi. İstanbul Erkek Lisesi bitiruvchisi. Aktyorlik faoliyatini Bakırköy Halkevi teatrida boshlagan, keyinchalik Ankara va İstanbul shahar teatrlari sahnasida ishlagan. Muhsin Ertuğrulning «Fareler ve İnsanlar» asaridagi roli bilan mashhurlikka erishgan. 1950-yillardan boshlab asosan kinoda rol ijro etdi. 1970-yillarda rejissyor Ertem Eğilmezning «Hababam Sınıfı», «Şabanoğlu Şaban», «Mavi Boncuk», «Banker Bilo» va «Namuslu» kabi ko‘plab filmlarida suratga tushgan. Ko‘pgina loyihalarda u Adile Naşit bilan birga ijro etgan rollari bilan muxlislar mehrini qozongan. Umumiy hisobda 400 dan ortiq kino va teatr asarlarida ishtirok etgan. To‘rt marta oila qurgan va uch nafar farzandi bor. 1998-yilda Turkiya Madaniyat vazirligi tomonidan «Davlat artisti» unvoni bilan taqdirlangan.