Halit Akçatepe

Halit Kavit Akçatepe (1937-yil 1-yanvar — 2017-yil 31-mart) — turk aktyori. Akçatepe 1938-yilda Uskudarda aktyor Sitki Akçatepe va aktrisa Leman Akçatepe oilasida tugʻilgan. Uning otasi Nevshehirli Damat Ibrohim Posho va Fatma Sultonning (Ahmad III ning qizi) avlodi hisoblanadi. 1943-yilda 5 yoshida "Dertli Pinar" filmida debyut qilgan va bolalar rolida boshqa filmlarda ham suratga tushgan. Saint Benoit fransuz liseyini tamomlagandan soʻng, 1956-yilda armiyaga borib, 1,5 yil xizmat qilgach, aktyorlikka qaytgan. U koʻplab klassik filmlarda ikkinchi darajali rollarni ijro etgan. 1975-yilda "Hababam Sınıfı" va uning davomiy qismlari boʻlgan "Hababam Sınıfı Sınıfta Kaldı", "Hababam Sınıfı Uyanıyor", "Hababam Sınıfı Yeniden", "Hababam Sınıfı Askerde", "Hababam Sınıfı Üç Buçuk" filmlarida rol oʻynagan. Shuningdek, u "Süt Kardeşler", "Yaşar Ne Yaşar Ne Yaşamaz", "Salak Milyoner", "Şaban Oğlu Şaban", "Köyden İndim Şehre", "Bizim Aile", "Ah Nerede" kabi mashhur komediyalarda va "Üç Arkadaş", "Canım Kardeşim" kabi dramatik filmlarda bosh rollarni ijro etgan. 2017-yilda nafas yetishmovchiligidan kelib chiqqan yurak xurujidan vafot etgan.