Lupita Nyong'o

Lupita Amondi Nyong'o (1983-yil 1-martda tugʻilgan) — keniyalik-meksikalik aktrisa va yozuvchi. U Hollywooddagi faoliyatini prodyuser yordamchisi sifatida boshlagan. 2008-yilda “East River” qisqa metrajli filmida debyut qilib, soʻng Keniyaga qaytgan va “Shuga” (2009–2012) teleserialida suratga tushgan. 2009-yilda “In My Genes” hujjatli filmiga ssenariy yozib, uni produserlik qilgan va rejadirlik qilgan. Keyinchalik Yale drama maktabida aktrisalik boʻyicha magistrlik darajasini olgan. U ilk bor toʻliq metrajli filmdagi debyutini “12 Years a Slave” (2013) dramasida Patsey roli bilan amalga oshirgan. Ushbu roli uchun tanqidchilar olqishiga sazovor boʻlib, “Eng yaxshi ikkinchi darajali aktrisa” nominatsiyasida Academy Award (Oskar) mukofotini qoʻlga kiritgan. U Oskar mukofotini olgan ilk keniyalik va meksikalik aktrisa boʻldi. 2015-yilda Broadway sahnasida “Eclipsed” spektaklida yetim qolgan oʻsmir qiz rolini oʻynab, Tony mukofotiga nomzod boʻlgan. Shundan soʻng “Star Wars” davom trilogiyasida (2015–2019) Maz Kanata obrazini harakatni suratga olish (motion capture) texnologiyasi orqali yaratdi va “The Jungle Book” (2016) filmida Raksha ovoziga jon kiritdi. Uning karyerasi Marvel kinematografiya koinotining “Black Panther” (2018) filimidagi Nakia roli hamda Jordan Peele'ning tanqidchilar eʼtirofiga sazovor boʻlgan “Us” (2019) qoʻrqinchli filmidagi bosh roli bilan yanada yuksaldi. Aktrisalikdan tashqari, u tarixiy obidalarni saqlash ishlarini qoʻllab-quvvatlaydi. Jinsiy zoʻravonlikning oldini olish, ayollar va hayvonlar huquqlarini himoya qilish borasida faol kurashadi. 2014-yilda People jurnali tomonidan dunyoning eng goʻzal ayoli deb topilgan. Shuningdek, u “Sulwe” (2019) nomli bolalar kitobini yozgan.