Andy Serkis

Andrew Clement Serkis (1964-yil 20-aprelda tugʻilgan) — ingliz aktyori va rejissori. U asosan kompyuter grafikasiga asoslangan qahramonlar — The Lord of the Rings trilogiyasi (2001–2003) va The Hobbit: An Unexpected Journey (2012) filmidagi Gollum, 2005-yilgi King Kong, Planet of the Apes (2011–2017) franshizasidagi Caesar kabi obrazlarni harakatni yozib olish (motion capture) texnologiyasi yordamida mahorat bilan gavdalantirishi bilan tanilgan. Serkisning bu boradagi ishlari kino tanqidchilari tomonidan yuqori baholangan. U harakatni yozib olish texnologiyasidagi rollari uchun Empire mukofoti va ikkita Saturn mukofotiga sazovor boʻlgan. 2020 yilda esa kinkoisatga qoʻshgan ulkan hissasi uchun BAFTA mukofoti bilan taqdirlangan.