Lee Marvin

Lee Marvin (1924-yil 19-fevral — 1987-yil 29-avgust) — amerikalik aktyor. O'ziga xos ovozi va yoshligidanoq oqargan sochlari bilan tanilgan aktyor faoliyatining boshida asosan salbiy qahramonlar, harbiylar va qat'iyatli shaxslar rollarini ijro etgan. U 1957–1960-yillarda namoyish etilgan "M Squad" detektiv serialidagi Frank Ballinger roli bilan ham keng tanilgan. Marvin tomoshabinlar xotirasida "The Killers" (1964) filmidagi Charlie Strom, "The Professionals" (1966) dagi Rico Fardan, "The Dirty Dozen"dagi Mayor John Reisman, "Point Blank" (1967) filmidagi Walker va "The Big Red One" (1980) kartinasidagi serjant rollari bilan qolgan. Aktyorning eng mashhur ishlaridan biri ikki xil obrazni gavdalantirgan "Cat Ballou" (1965) vestern-komediyasidir. Kid Shelleen va Tim Strawn rollari uchun u "Oskar" mukofoti, shuningdek, BAFTA, "Oltin globus", NBR mukofoti va eng yaxshi erkak roli uchun "Kumush ayiq" mukofotlariga sazovor bo'lgan.