Charles Bronson

Charles Bronson (asl ismi Charles Dennis Buchinsky; 1921-yil 3-noyabr — 2003-yil 30-avgust) — amerikalik aktyor. U jangari filmlardagi rollari hamda oʻziga xos "granit qiyofasi va baquvvat gavdasi" bilan tanilgan. Bronson Pensilvaniya shtatining Allegheny togʻlaridagi Ehrenfeld koʻmir konchilar shaharchasida oʻta qashshoqlikda tugʻilgan. Uning konchi otasi Bronson yoshligida vafot etgan. Bronsonning oʻzi ham 1943-yilda Ikkinchi jahon urushida qatnashish uchun AQSh Harbiy-havo kuchlariga qoʻshilgunga qadar konlarda ishlagan. Bronson "The Magnificent Seven" (1960), "The Great Escape" (1963), "This Property Is Condemned" (1966) va "The Dirty Dozen" (1967) kabi filmlarda muhim ikkinchi darajali rollarni ijro etgan. Shuningdek, u koʻplab mashhur teledasturlarda qatnashgan va "General Electric Theater" serialidagi roli uchun Emmi mukofotiga nomzod boʻlgan. Aktyor Alain Delon (Bronsonning ashaddiy muxlisi boʻlgan) uni oʻzining "Adieu l'ami" (1968) nomli fransuz filmida birga suratga tushishga taklif qilgan. Oʻsha yili u italyan spagetti-vesteruni boʻlgan "Once Upon a Time in the West" (1968) filmida bosh rollardan birini oʻynagan. Bronson Yevropada suratga olingan turli jangari, vestern va harbiy filmlarda, jumladan, “Eng yaxshi xorijiy til uchun” Oltin globus mukofotini qoʻlga kiritgan "Rider on the Rain" (1970) filmida bosh rollarni ijro etishni davom ettirgan. Shu davrda u Yevropadagi eng mashhur amerikalik aktyor boʻlgan. Bolaligi va harbiy xizmati Bronson 1921-yil 3-noyabrda Jonstaun shahridan shimolda, Allegheny togʻlaridagi koʻmir qazib chiqarish hududi boʻlgan Ehrenfeld shahrida tugʻilgan.