Hugh Jackman

Hugh Michael Jackman (1968-yil 12-oktabrda tugʻilgan) — avstraliyalik aktyor, qoʻshiqchi va prodyuser. Teatr va televideniyedagi faoliyatidan soʻng, Jackman "X-Men" franshizasidan boshlab to "Deadpool & Wolverine" (2024) filmigacha boʻlgan Marvel kinematografiya koinotida Vulverin rolini ijro etib shuxrat qozondi. Ham kino, ham sahnada muvaffaqiyat qozongan aktyor "Primetime Emmy", "Gremmi" va ikki bor "Toni" mukofotlarini qoʻlga kiritgan, shuningdek, "Oskar" va BAFTA mukofotlariga nomzod boʻlgan. 2019-yilda Avstraliya ordeni sohibi unvoniga sazovor boʻlgan. Jackman turli janrlardagi filmlarda bosh rollarni ijro etgan, jumladan: "Kate & Leopold" (2001) romkomi, "Van Helsing" (2004) jangari-uqubat filmi, "The Prestige" (2006) dramasi, "Australia" (2008) tarixiy melodramasi, "Real Steel" (2011) fantastikasi, "Les Misérables" (2012) myuzikli, "Prisoners" (2013) trilleri, "The Greatest Showman" (2017) myuzikli, "The Front Runner" (2018) siyosiy dramasi va "Bad Education" (2019) kriminal dramasi. "Les Misérables" filmidagi Jan Valjan roli uchun u "Eng yaxshi aktyor" sifatida "Oskar"ga nomzod boʻlib, "Oltin globus"ni yutib olgan. "The Greatest Showman" saundtreki uchun esa "Gremmi" mukofotiga sazovor boʻlgan. U shuningdek, "Flushed Away", "Happy Feet" (ikkalasi ham 2006), "Rise of the Guardians" (2012) va "Missing Link" (2019) kabi animatsion filmlarda qahramonlarga ovoz bergan. Jackman teatr sahnasidagi dastlabki rollari bilan ham tanilgan.