Chris Cooper

Christopher Walton Cooper (1951-yil, 9-iyul) — amerikalik aktyor. U "American Beauty" (1999), "October Sky" (1999), "The Bourne Identity" (2002), "Seabiscuit" (2003), "Capote" (2005), "Syriana" (2005), "The Kingdom" (2007), "The Town" (2010), "The Muppets" (2011), "Cars 3" (2017) va "Little Women" (2019) kabi ko‘plab mashhur Gollivud filmlarida ikkinchi darajali rollarni ijro etgan. Shuningdek, u tarixiy "Lonesome Dove" miniserialida sherif July Johnson rolini o‘ynagan. Cooper 2002-yilda suratga olingan "Adaptation" filmidagi John Laroche roli uchun "Oskar" va "Oltin globus" mukofotlarini qo‘lga kiritgan. U "Breach" (2007) trillerida FBI agenti va sotqin Robert Hanssen rolini, "The Company You Keep" (2012) filmida Daniel Sloan hamda "The Amazing Spider-Man 2" (2014) filmida yovuz qahramon Norman Osborn obrazlarini yaratgan. Aktyor rejissor John Sayles bilan tez-tez hamkorlik qiladi, ularning birgalikdagi ishlari qatorida "Matewan" (1987), "City of Hope" (1991), "Lone Star" (1996), "Silver City" (2004) va "Amigo" (2010) kabi filmlar bor.