Ceyhun Mirzäyev

Jeyhun Jamil oglu Mirzayev (ozarbayjoncha: Ceyhun Mirzəyev) — ozarbayjonlik aktyor va kinorejissor. U Ozarbayjonning Ag‘dam tumani Gulabli qishlog‘ida Jamil Mirzayev va uning ikkinchi rafiqasi Margarita oilasida tug‘ilgan. Onasining Yusif Mammadaliyevning akasi Ibrohim bilan bo‘lgan oldingi nikohidan uning o‘gay singlisi bo‘lgan. Mirzayev uch yoshdaligida otasi vafot etadi. Ijodiy qobiliyati bilan ajralib turgan u 1955 yilda «Uchrashuv» filmida suratga tushib, bolakay aktyor sifatida debyut qilgan. Uch yil o‘tgach, 12 yoshida «O‘gay ona» filmidagi kenja Ismoil rolini ijro etadi. Keyinchalik Ozarbayjon davlat madaniyat va san'at universitetining rejissyorlik fakultetini tamomlagan. U eng ko‘p 1993 yilda suratga olingan «Faryod» nomli harbiy filmdagi bosh roli hamda rejissyorligi bilan tanilgan. Mirzayev filmning namoyish marosimida qatnashishi kerak edi, biroq to‘satdan yurak xurujidan vafot etdi.