Yashar Nuri

Yashar Nuri (Yaşar Nuri) — ozarbayjonlik taniqli teatr va kino aktyori, Ozarbayjon davlat akademik milliy drama teatri a'zosi bo'lgan. U 50 dan ortiq kino hamda 100 dan ortiq tele va sahna asarlarida rollar ijro etgan. Sahna faoliyatini 11 yoshida Ozarbayjon davlat musiqali komediya teatrida boshlagan. Boku shahridagi 173-maktabni tamomlab, Ozarbayjon davlat san'at institutining kinoaktyorlik fakultetiga o'qishga kirgan. Talabalik yillaridayoq "Sevil", "To'y", "Aybsiz aybdor" kabi spektakllarda turli obrazlarni gavdalantirgan. 1974-yildan Akademik milliy drama teatri jamoasi safiga qo'shilib, ko'plab sahna asarlarida faol ishtirok etgan. Aktyor 1975-yilda shifokor Raxima xonim bilan oila qurgan, ularning Ulkar va Ulviyya ismli ikki qizi bor.