Carice van Houten

Carice Anouk van Houten (1976-yil 5-sentyabrda tugʻilgan) — niderlandiyalik teatr va kino aktrisasi. Yevropaning eng mashhur aktrisalaridan biri boʻlgan Carice van Houten tomoshabinlarga asosan "Game of Thrones" serialidagi Melisandre roli orqali yaxshi tanish. Ushbu roli uchun u 2019-yilda "Emmy" mukofotiga nomzod boʻlgan. Shuningdek, u Paul Verhoevenning mukofotga sazovor boʻlgan "Black Book", Bryan Singerning Tom Cruise bilan birga suratga tushgan "Valkyrie" filmlarida va "Game of Thrones" serialida suratga tushgan. Soʻnggi loyihalari qatoriga "Instinct" hamda Mark Strong bilan birga Sky telekanalining "Temple" seriali kiradi. Uning niderland tilidagi "Love Life" nomli filmi tanqidchilar eʼtirofiga sazovor boʻlib, Niderlandiyada kassalar rekordini yangiladi. Keyingi filmi „Happy Housewive“ unga Niderlandiya kinofestivalida rekord darajadagi beshinchi "Oltin buzoq" mukofotini keltirdi va niderlandiyalik tomoshabinlar tomonidan "Barcha davrlarning eng yaxshi niderlandiyalik aktrisasi" deb topildi. Boshqa mukofotlari qatorida Tribeca kinofestivalida "Black Butterflies" filmi uchun "Eng yaxshi aktrisa" va 2019-yilgi Les Arcs kinofestivalida "Instinct" filmi uchun "Eng yaxshi ijro" mukofotlari bor. U Juan Carlos Fresnadilloning "Intruders", Bill Condonning "The Fifth Estate", Jesse Owens haqidagi biografik "Race" filmlarida rol oʻynagan, shuningdek, "The Simpsons" multserialida qahramonga ovoz bergan. U Brian de Palmaning "Domino", Dakota Fanning, Guy Pearce va Kit Harrington ishtirokidagi "Brimstone" hamda Claes Bang bilan birga "The Glass Room" filmlarida ham suratga tushgan. U Halina Reijnning rejissyorlik debyuti boʻlgan "Instinct" filmining bosh rolini ijro etgan.