Alex Garland

Aleksandr Medavar Garland (1970-yil 26-mayda tug‘ilgan) — ingliz yozuvchisi, ssenariynavis va rejissyor. 1996-yili yozgan “The Beach” romani bilan shuhrat qozongan. Denni Boylning “28 Days Later” (2002), “Sunshine” (2007), shuningdek, “Never Let Me Go” (2010) va “Dredd” (2012) filmlari uchun ssenariylar yozib, tanqidchilar olqishiga sazovor bo‘lgan. Videoo‘yinlar sohasida “Enslaved: Odyssey to the West” (2010) hammuallifi va “DmC: Devil May Cry” (2013) loyihasida syujet nazoratchisi bo‘lib ishlagan. Rejissyor sifatidagi debyuti — “Ex Machina” (2014) ilmiy-fantastik trilleri bo‘lib, buning uchun u “Oskar” mukofotiga nomzod bo‘lgan hamda uchta Britaniya mustaqil kino mukofotini qo‘lga kiritgan. Uning ikkinchi filmi “Annihilation” (2018) ham muvaffaqiyat qozongan. Shuningdek, FX telekanalining “Devs” (2020) miniseriali, “Men” (2022) va “Civil War” (2024) trillerlari muallifi. 2025-yilda “Warfare” harbiy filmini hammualliflikda suratga olgan. Yuqoridagi uchta film A24 studiyasi tomonidan ishlab chiqarilgan.