Benedict Wong

Benedict Wong (1971-yil 3-iyulda tug‘ilgan) — ingliz aktyori. U o‘z faoliyatini teatrda boshlagan. «Dirty Pretty Things» (2002) filmidagi roli unga Britaniya mustaqil kino mukofoti nominatsiyasini olib kelgan. Keyinchalik BBC telekanalining «15 Storeys High» (2002–2004) sitkomida, shuningdek, «On a Clear Day» (2005), «Sunshine», «Grow Your Own» (2007) va «Moon» (2009) filmlarida hamda «Spirit Warriors» (2010) serialida suratga tushgan. 2010-yillardan boshlab aktyor Netflix'ning «Marco Polo» (2014–2016) serialida Kublayxon, «The Martian» (2015) filmida Bryus Ng va Marvel kinematografiya olamining «Doctor Strange» (2016) filmidan buyon Vong obrazlari bilan keng tanildi. Uning «Nine Days» (2020) filmidagi ijrosi «Independent Spirit» mukofotiga nomzod bo‘ldi. 2024-yil holatiga ko‘ra, u Netflix'ning «3 Body Problem» serialida bosh rollardan birini ijro etmoqda.