Abbas Kiarostami

Abbas Kiarostami (1940–2016) — eronlik kinorejissyor, ssenariynavis, shoir va fotograf. 1970-yildan buyon qirqdan ortiq film, jumladan, qisqa metrajli va hujjatli kinolarda ishlagan. „Koker“ trilogiyasi (1987–1994), „Close-Up“ (1990), „The Wind Will Carry Us“ (1999) hamda Kann kinofestivalida „Oltin palma yaprogʻi“ni qoʻlga kiritgan „Taste of Cherry“ (1997) filmlari bilan xalqaro eʼtirofga erishgan. U Eron „yangi toʻlqini“ harakatining vakili boʻlib, oʻz asarlarida falsafiy va siyosiy mavzularni sheʼriy uslubda yoritgan.