Zubin Mehta

Zubin Mehta (1936-yil, 29-aprel) — g'arb va sharq klassik musiqasi yo'nalishidagi hindistonlik dirijyor. Isroil filarmonik orkestrining faxriy musiqiy direktori va Los-Anjeles filarmoniyasi faxriy dirijyori. 1961–1967-yillarda Monreal simfonik orkestri va 1962–1978-yillarda Los-Anjeles filarmoniyasiga musiqiy direktorlik qilgan (Shimoliy Amerikadagi yirik orkestrlarning eng yosh musiqiy direktori bo'lgan). 1969-yilda Isroil filarmonik orkestrining musiqiy maslahatchisi etib tayinlangan, 1981-yilda esa umrbod musiqiy direktor maqomini olgan. 1978–1991-yillarda Nyu-York filarmoniyasida musiqiy direktor bo'lib ishlagan. 1985-yildan buyon Italiyaning Florensiya shahridagi Maggio Musicale Fiorentino orkestrining bosh dirijyori.