Zoë Kravitz

Zoe Isabella Kravits (1988-yil 1-dekabrda tug'ilgan) — amerikalik aktrisa, qo'shiqchi va model. Aktyor-musiqachi Lenni Kravits va aktrisa Liza Bonetning qizi bo'lib, u aktyorlikdagi debyutini "No Reservations" (2007) romatsion komediyasida qilgan. U "X-Men: First Class" (2011) superqahramonlar filmida Anxel Salvadore rolini o'ynab tanilgan va bu roli uchun Teen Choice hamda Scream mukofotlariga nomzod bo'lgan. U "The Divergent Series" (2014–2016) filmidagi Kristina va "Fantastic Beasts" (2016–2018) filmlar seriyasidagi Leta Lestrange rollari bilan mashhurlikka erishgan. Kravits HBO telekanalining "Big Little Lies" (2017–2019) dramatik serialidagi bosh roli uchun maqtovlarga sazovor bo'lgan va bu roli uchun Screen Actors Guild mukofotiga nomzod bo'lgan. Shuningdek, Hulu telekanalining "High Fidelity" (2020) romantik komediya serialidagi ijrosi uchun Black Reel mukofotini yutib olgan va Satellite mukofotiga nomzod bo'lgan. U "The Lego Batman Movie" (2017) filmida Mushuk ayolga ovoz bergan, Matt Rivzning DC olamiga mansub "The Batman" (2022) filmida ham shu rolni takrorlagan, shuningdek, "Spider-Man: Into the Spider-Verse" (2018) animatsion filmida Meri Jeyn Uotsonga ovoz bergan. U "Mad Max: Fury Road" (2015) filmida Toast the Knowing rolida ko'rinish bergan va "Dope" (2015), "Adam Green's Aladdin" (2016) hamda "Gemini" (2017) kabi ko'plab muqobil filmlarda bosh rollarni ijro etgan. Aktyorlikdan tashqari, Kravits moda modeli va musiqachi sifatida ham faoliyat yuritadi. 2017 yildan beri u YSL Beauté brendining yuzi hisoblanadi. Shuningdek, Kravits Tiffany & Co., Vera Wang, Balenciaga, Alexander Wang, Coach New York, Tumi va Calvin Klein reklamakampaniyalarida ishtirok etgan.