Ziba Karamali

2020-yilda Tehron san'at universitetini tamomlagan. Talabalik davridayoq Eron kino industriyasi mutaxassislari e’tiboriga tushgan kam sonli talabalardan biri. 2015-yilda Eron milliy universitet kirish imtihonida (Konkur) 150 ming ishtirokchi orasida 8-o‘rinni egallab, o‘sha vaqtdan buyon Eron Milliy elita jamg‘armasi a'zosi sanaladi. Keng omma uni 2018-yilgi "Lottery" filmidagi bosh roli bilan yaxshi biladi — mazkur film nafaqat kino tanqidchilar e’tirofiga sazovor bo‘lgan, balki Fajr kinofestivalida barcha vaqtlardagi eng yuqori kassaboplik rekordini o‘rnatgan. Aktrisalik karyerasi muvaffaqiyatli boshlangan bo‘lsa-da, u rejissyor sifatida jamiyatdagi muhim voqealarni hikoya qilishni maqsad qilgan. 2020-yilda Emad Arad bilan hamkorlikda "Barter" qisqa metrajli filmini suratga olgan.