Zhao Zhiwei

Chjao Chivey (inglizcha nomi Eden, shunchaki Chivey deb ham ataladi) — xitoylik aktyor, qoʻshiqchi va raqqos. 2016–2017-yillarda Tayvanning «SpeXial» boy-bend guruhida aʼzo boʻlgan. Chjao Gansu provinsiyasining Lanchjou shahrida tugʻilgan. Shanxay teatr akademiyasini tamomlagan va oʻn yil davomida raqs bilan shugʻullangan. Yillar davomida koʻplab milliy va xalqaro raqs tanlovlarida qatnashib, xoreograf sifatida ham faoliyat yuritgan. Akademiyani bitirayotganda uni oʻqituvchi sifatida qolishga taklif qilishgan, biroq tizzasidagi jiddiy jarohat tufayli raqsni tark etishga majbur boʻlgan. Shundan soʻng aktyorlikka oʻtib, 2016-yilda «KO One Re-member» teleserialida debyut qilgan va rasman koʻngilochar sanoatga kirib kelgan. Oʻsha yili 14-iyulda «SpeXial» guruhiga qoʻshilib, ularning 4-albomi boʻlmish «Boyz on Fire» yozuvlarida ishtirok etgan. Guruhdoshlari bilan birgalikda «Men with Sword» kostyumli dramasida suratga tushgan. 2017-yil 20-martda guruhni tark etishini eʼlon qilgan va uch kundan soʻng chiqib ketgan. Keyinchalik aktyorlik faoliyatini davom ettirish uchun «Huace Media» kompaniyasi bilan shartnoma imzolagan.