Özge Borak

Özge Borak (1982-yil 14-fevralda tug'ilgan) — turkiyalik aktrisa. Oilasi balet raqqosi va xoreograflardan iborat. Istanbul universiteti davlat konservatoriyasining teatr bo'limini bitirgan. U ayniqsa «Eyyvah Eyvah» komediya filmlar seriyasidagi roli bilan tanilgan. ShowTV telekanalida namoyish etilgan «Güldür Güldür Show»da turli rollarda ishtirok etgan. Shuningdek, «Eşref Saati», «Ihlamurlar Altında», «Sultan Makamı» kabi muvaffaqiyatli seriallarda bosh rollarni ijro etgan. Hande Soral bilan birgalikda «Kurt Seyt ve Murka» romani asosida suratga olingan «Bir Günah Gibi» tarixiy serialida va «Küçük Kadınlar» serialining 2-3 fasllarida suratga tushgan.