Zerocalcare

Mishel Rek (1983-yil 12-dekabrda tug‘ilgan), ijodiy taxallusi bilan Zerocalcare — italiyalik karikaturachi. Uning taxallusi televizion reklama roligidagi shior asosida tanlangan. Toskana (Kortona)da tug‘ilgan rassom yoshligini Fransiya va Rimda o‘tkazgan, Lycée français Chateaubriand maktabini tamomlagan. 2003-yildan gazetalarda illyustrator sifatida ish boshlagan, shuningdek, DC Comics'ning internet bo‘limi — Zuda Comics uchun veb-komikslar yaratgan. Uning birinchi grafik romani The Armadillo Prophecy 2011-yilda nashr etilgan. 2012-yilda u Macchianera va Gran Guinigi mukofotlariga sazovor bo‘ldi. 2016-yilda Suriyadagi kurdlar va IShID mojarosi haqidagi Kobane Calling: Greetings from Northern Syria asari chop etilgan va 2017-yilda u eng yaxshi komiks sifatida Mishelutstsi mukofotiga loyiq ko‘rilgan.