Biografiya
Özcan Alper (1975-yil, Artvin, Xopa) — turkiyalik rejissyor va ssenariynavis. Trabzon litseyini tamomlagan. 1992-yilda Istanbul universitetining fizika fakultetiga o‘qishga kirgan, 1996-yilda esa shu universitetning fan tarixi bo‘limiga o‘tib, 2003-yilda bitirgan. 1996-yildan buyon turli kino ustaxonalarida qatnashib, 2000-yildan boshlab Yesim Ustaoglu kabi ijodkorlarning filmlarida assistent bo‘lib ishlagan. "Momi" qisqa metrajli filmi Xemsin hududida suratga olingan ilk kartina hisoblanadi. Shuningdek, u Yaponiyada "Tokai City'de Melankoli ve Rapsodi" va "Bir Bilimadamiyla Zaman Enleminde Yolculuk" kabi hujjatli filmlarni suratga olgan. 2008-yil 19-dekabrda taqdim etilgan "Sonbahar" nomli ilk to‘liq metrajli filmi ko‘plab festivallarda sovrinlarni qo‘lga kiritgan. 2022-yilda Netflix uchun "Asiklar bayrami" filmini suratga olgan va "Karanlik Gece" filmi bilan Antaliya kinofestivalida ishtirok etgan.
