Zbigniew Zamachowski

Zbigniew Zamachowski (1961-yil, 17-iyulda tug‘ilgan) – polshalik taniqli aktyor. Lodz shahridagi Milliy kino maktabining aktyorlik fakultetini tamomlagan. Ijodiy faoliyatini 1981-yilda boshlagan. 1989-yilda rejissyor Kshishtof Keslovskiyning "Dekalog" turkum filmining o‘ninchi qismida suratga tushgan. To‘rt yil o‘tib, Keslovskiy uni o‘zining "Uch rang: Oq" (Three Colors: White) nomli mashhur trilogiyasining ikkinchi qismida bosh qahramon – Karol Karol roliga tayinlagan. Aktyor Robert Glinskiyning "Salom, Tereska" (2001) va Anjey Yakimovskiyning "Ko‘zlarni qisib" (2004) filmlaridagi rollari uchun ikki bor Polsha kino mukofotiga sazovor bo‘lgan. Shuningdek, "Polkovnik Vyatkovskiy" (1996), "Olov va qilich bilan" (1999) hamda "Valensa: Umid odami" (2013) filmlaridagi ijrosi bilan yodda qolgan. 1985-yildan 1997-yilgacha Studio teatrida, 1997-yildan buyon esa Varshavadagi Milliy teatrda faoliyat yuritib kelmoqda.