Zayed Khan

Zayed Khan sobiq bolivudlik aktyor Sanjay Khan va interyer dizayneri Zarine Khanning o'g'li. U to'rt farzandning eng kichigi. Opa-singillari Simone Khan, Sussanne Roshan va Farah Khan Ali. Aktyor Fardeen Khan uning amakivachchasi bo'lib, Fardeenning otasi Feroz Khan Zayedning amakisi edi. Zayed Dehradundagi Welham Boys maktabida va Kodaikanal xalqaro maktabida ta'lim olgan. Vashington universitetida biznes boshqaruvi, London kino akademiyasida esa kino san'ati bo'yicha tahsil olgan. 2005-yil 20-noyabrda Mallaika Parekhga uylangan, ularning Ziddan va Aariz ismli ikki o'g'li bor. Zayed 2003-yilda "Chura Liyaa Hai Tumne" filmi bilan debyut qilgan. Shundan so'ng "Main Hoon Na" filmida suratga tushib, katta muvaffaqiyatga erishgan. U "Rocky: The Rebel", "Dus", "Mission Istanbul", "Om Shanti Om", "Anjaana Anjaani", "Yuvvraaj" va "Blue" kabi filmlarda ishtirok etgan. Ko'p aktyorli loyihalarni afzal ko'radigan Zayed o'zining Born Free Entertainment studiyasini ochgan.