Yury Bykov

Yuriy Bikov 1981 yilda Rossiyaning Ryazan viloyatidagi Novomichurinsk shaharchasida ishchi oilasida tug'ilgan. 2005 yilda mashhur VGIKni (Gerasimov nomidagi Butunrossiya davlat kinematografiya instituti) aktyorlik yo'nalishi bo'yicha tamomlab, Moskvaning turli teatrlarida sahnaga chiqqan. 2006 yildan qisqa metrajli filmlar suratga ola boshlagan. 2009 yilda o'zi bosh rolni ijro etgan “Boshliq” (“The Boss”) qisqa metrajli filmi “Kinotavr” Butunrossiya kinofestivalining bosh mukofotiga sazovor bo'ldi. 2010 yilda o'zining ilk “Yashang!” (“Live!”) nomli to'liq metrajli film suratga olib, Taypey xalqaro kinofestivalining maxsus hakamlar hay'ati mukofotini qo'lga kiritdi. 2013 yilda uning ikkinchi — “Mayor” (“The Major”) filmi Kann kinofestivalining “Tanqidchilar haftaligi” dasturiga kiritildi. 2014 yilda yaratilgan “Ahmoq” (“The Fool”) filmi Lokarno (Eng yaxshi aktyor, Ekumenik hakamlar hay'ati mukofoti, Yoshlar hakamlar hay'ati mukofoti, Bosh mukofot) hamda Les Arcs kinofestivallarida nufuzli sovrinlarni qo'lga kiritdi. “Mayor” va “Ahmoq” filmlari xalqaro miqyosda kinoteatrlarda namoyish etildi. Yuriy Bikov o'z filmlariga o'zi ssenariy yozadi va rejissyorlik qiladi. Shuningdek, u dastlabki loyihalarida montajchi va bastakor vazifasini ham bajargan, “Mayor” filmida esa bosh rollardan birini ijro etgan.