Yuika Motokariya

Yuika Motokariya 1987-yil 8-sentabrda Tokioda tug'ilgan. U o'n yoshidan teatr to'garagiga qatnasha boshlagan. Ilk ijodiy qadamlarini “Mr. Kinpachi In Class 3B” serialida qo'ygan bo'lsa-da, “Swing Girls” filmi orqali keng ommaga tanilgan. 2002-yildan buyon kino va televideniyeda faol ishlaydi. 2012-yildan boshlab uch yil davomida TBS telekanalining “Osama No Buranchi” shousiga boshlovchilik qilgan. Yuika turli brendlar reklamasida ishtirok etgan, bir nechta fotoalbomlari chop etilgan va “Stardust Agency” agentligi bilan hamkorlik qiladi.