Yiğit Özşener

Yiğit Özşener (1972-yil, 6-aprel) — turk aktyori. Otasi tomonidan kelib chiqishi Gretsiyaning Kavala shahridan, onasi tomonidan esa Shimoliy Makedoniyaning Skopye shahridan bo‘lgan turk muhojirlar oilasiga mansub. 1996-yilda Yulduz texnika universitetini elektronika va aloqa muhandisligi yo‘nalishi bo‘yicha tamomlagan. Sahika Tekand studiyasida aktyorlik sirlarini o‘rgangan va shu yerda turli spektakllarda, jumladan, Harold Pinter qalamiga mansub "The Dumb Waiter" pyesasida rol o‘ynagan. U Turkcell reklama roliklaridagi "Özgür Çocuk" obrazi orqali milliy miqyosda mashhurlikka erishdi. "Karanlıkta Koşanlar", "Üzgünüm Leyla" seriallarida, "O Şimdi Asker", "Gece 11:45" va "Beş Vakit" filmlarida suratga tushdi. 2007–2009-yillarda "Dudaktan Kalbe" serialida Cemil Paşazade, 2009-yildan esa "Ezel" serialida Cengiz Atay obrazini yaratgan. 2011-yilda "Aşk Tesadüfleri Sever" filmida va "Kaybedenler Kulübü"da Mete Avunduk rolini ijro etgan.