Yannis Smaragdis

Yannis Smaragdis 1946-yilda Kritda tug'ilgan. Gretsiya va Fransiyada kino sohasida ta'lim olgan. Ilk bor 1972-yilda Afinadagi kinofestivalda bosh sovrinni hamda Monreal kinofestivalida maxsus maqtovga sazovor bo'lgan "Two Three Things..." qisqa metrajli filmi bilan tanilgan. Iannis Smaragdisning ijodiy yo'li muvaffaqiyatlarga boy. Uning eng muhim asarlari qatoriga "Cavafy" (1996) va "El Greco" (2007) filmlari kiradi. Ikkala film ham xalqaro festivallarda, jumladan Toronto xalqaro kinofestivalida yuqori baholangan. Televideniyeda 1980-yilda "Good night to you, Kyr Alexandre" loyihasi bilan tomoshabinlar qalbidan joy olgan. 1988-yilda Gretsiyadagi eng yaxshi serial deb topilgan 13 qismli "Hush... Our Country is Sleeping..." serialini suratga olgan. Shuningdek, "Hadjimanuel" (1984), "Les Enfants Gates" (2001) kabi ko'plab seriallar, hujjatli va ilmiy-ommabop filmlar: "Spyros Louis" (2004), "I've brought to art" (1998) va "Thus spake the city" (1990-1993) muallifi hisoblanadi. 2007-yilda Afinada "Opera of Shadows"ni sahnalashtirgan. 2012-yilda "God Loves Caviar" filmini yakunlab, u bilan Toronto kinofestivalida ishtirok etgan.