Yannis Economides

Yannis Economides 1967-yilda Kiprning Limassol shahrida tug'ilgan. 1987-yilda kino san'atini o'rganish uchun Afina shahriga ko'chib o'tgan. Bir nechta qisqa metrajli va hujjatli filmlar suratga olgach, 2003-yilda o'zining ilk to'liq metrajli "MATCHBOX" filmiga ssenariy yozib, rejissyorlik qildi. Uning ikkinchi ishi — "SOUL KICKING" filmi 2006-yilda Kann xalqaro kinofestivalining Xalqaro tanqidchilar haftaligi dasturida namoyish etilgan. Uchinchi filmi — "KNIFER" (2010) Gretsiya kinoakademiyasining yettita mukofotini, jumladan, "Eng yaxshi film", "Eng yaxshi rejissyor" va "Eng yaxshi ssenariy" nominatsiyalarini qo'lga kiritgan. To'rtinchi to'liq metrajli filmi bo'lgan "STRATOS" 2014-yilda 64-Berlin xalqaro kinofestivalining asosiy tanlov dasturida qatnashgan. Economidesning barcha to'rtta filmi Gretsiya kino tanqidchilari assotsiatsiyasining yilning eng yaxshi yunon filmi mukofotiga sazovor bo'lgan. 2016-yil oktyabr oyida Afinadagi Milliy teatrning Yangi sahnasida uning o'zi sahnalashtirgan "SLEEP, STELLA, SLEEP" spektaklining premierasi bo'lib o'tdi. Shuningdek, u bir nechta yunon filmlarida ikkinchi darajali rollarni ijro etgan bo'lib, 2017 yilda Fatih Akinning "In the Fade" filmida kichik, ammo muhim rolni o'ynagan.