Xana Tang

Xana Tang — Yangi Zelandiyada tug‘ilgan xitoy-vetnamlik aktrisa. Oklend texnologiya universitetida kommunikatsiya bo‘yicha bakalavr darajasini olgan. U 16 yoshida rejissyor Maykl Bennetning «Matariki» nomli mukofotga sazovor bo‘lgan filmida «Spit» rolini ijro etib, kino olamida o‘z o‘rnini topgan. Shundan so‘ng, u «Thedownlowconcept» studiyasining «Hounds» komediya serialida bosh rolni o‘ynagan. Serial 2012-yilda Yangi Zelandiya kino va televideniye mukofotlarida «Eng yaxshi televizion komediya seriali» deb topilgan. Uning keyingi yillardagi taniqli rollari qatoriga «The Almighty Johnsons», «Power Rangers» va «Filthy Rich» dramatik serialining ikki faslida ijro etgan Cherry obrazlari kiradi. 2017-yilda Avstraliyaning «The Letdown» komediya serialida debyut qilgan. Xana ingliz va kanton tillarida erkin so‘zlashadi hamda besh yil davomida mandarin tilini o‘rgangan.