Wuershan

Wuershan 1972-yil 10-iyunda Xitoyning Ichki Mo'g'uliston o'lkasi Xux-Xo'to shahrida tug'ilgan. Millati mo'g'ul bo'lgan rejissyor hozirda Pekinda yashab, ijod qiladi. U 16 yoshida Xitoy markaziy tasviriy san'at akademiyasi qoshidagi maktabga o'qishga kirgan, 1992-yilda esa shu akademiyaning rangtasvir fakultetiga qabul qilingan, ammo bir yildan so'ng o'qishni tashlab ketgan. 1994-yilda Pekin kino akademiyasida rejissyorlik yo'nalishida tahsil olgan. 1998-yilda o'qishni tamomlab, reklamalar suratga olishdan faoliyatini boshlagan va Xitoyning yetakchi tijoriy rejissyorlaridan biriga aylangan. Shu bilan birga, u avangard rassom sifatida video-art, installyatsiya va perfomanslar bilan ham shug'ullangan. 2004-yilda rejissyorlik qilgan, ssenariysini yozgan va prodyuserlik qilgan "Soap Opera" filmi Pusan xalqaro kinofestivalida FIPRESCI mukofotiga loyiq ko'rilgan. 2011-yilda jangari komediya janridagi "The Butcher, the Chef and the Swordsman" filmini suratga oldi va 48-Golden Horse kinofestivalida "Eng yaxshi yangi rejissyor" mukofotini qo'lga kiritdi. 2012-yilda esa Xitoy kino tarixida 726 million yuan daromad keltirib, 12 ta rekordni yangilagan "Painted Skin: The Resurrection" fantastik filmini suratga oldi.