Wojciech Pszoniak

Vyatka yoki Lvovda (hozirgi Ukraina) 1942-yilda tugʻilgan Voysex Pshonyak — polshalik kino va teatr aktyori. Pshonyak xalqaro miqyosda tanilishiga rejissyor Anjey Vaydaning 1975-yilda suratga olingan "Vada qilingan yer" filmi sabab boʻlgan, unda u uchta bosh qahramondan biri boʻlgan Morits rolini ijro etgan. Aktyor 1980–1981-yillardagi siyosiy tartibsizliklar davrida Polshani tark etgan. Hozirda Fransiyada yashaydi va ijod qiladi. Sharqiy Evropada kommunizm qulagandan beri u Polsha filmlari va spektakllarida ham qatnashib kelmoqda. Xalqaro miqyosda u oʻzining rasmiy ismini pol tilidagi kichraytirma shakli boʻlgan Voytekka oʻzgartirgan. Pshonyak yahudiy boʻlmasa-da, koʻpincha yahudiy qahramonlarini gavdalantiradi. Fransiyada bu qisman uning "Vada qilingan yer" filmidagi roli hamda chet el aksenti bilan bogʻliq. Fransiyaga koʻchib kelganida fransuz tilini bilmagan Pshonyak teatr matnlarini fonetik tarzda yod olgan; "Danton" kabi filmlarda (u Robespyer rolini oʻynagan) uning ovozi dublyaj qilingan. Til koʻnikmalari haqidagi bir latifaga koʻra, u fransuzcha gapira boshlaganida, bir rejissyor unga eski aksentini afzal koʻrishini aytgan.