Wim Umboh

Ahmad Salim (1933-yil 26-mart — 1996-yil 24-yanvar), Wim Umboh nomi bilan mashhur, shuningdek, Liem Yan Yung deb hamatalgan indoneziyalik rejissyor asosan melodramatik romantik filmlari bilan tanilgan. Qirq yildan ortiq davom etgan faoliyati davomida Umboh ellikka yaqin film suratga olgan va ular Indoneziya kinofestivalining 29 ta Citra mukofotiga sazovor bo'lgan. Mukammallikka intiladigan talabchan rejissyor sifatida tanilgan Umboh turli texnologiyalar bilan tajriba o'tkazishni yoqtirgan va hamkasbi Teguh Karyaning so'zlariga ko'ra, suratga olish jarayonida filmlaridagi barcha dialoglarni yoddan bilgan. U o'rta va yirik planlardagi kadrlarni afzal ko'rgan. Umbohning ijodi Karya, Slamet Rahardjo, Garin Nugroho va Arifin C. Noer kabi ko'plab indoneziyalik rejissyorlarga ta'sir ko'rsatgan, shuningdek, uning filmlari Sophan Sophiaan va Roy Marten kabi yulduzlarning porlashiga yo'l ochgan. Uning eng mashhur ishlari sirasiga "Pengantin Remadja" (1971), "Mama" (1972) va o'zining shaxsiy sevimli filmi bo'lgan "Pengemis dan Tukang Becak" (1978) kiradi.