William Zabka

William Michael "Billy" Zabka (1965-yil 20-oktabrda tugʻilgan) — amerikalik aktyor, jang sanʼati ustasi, ssenariynavis va film prodyuseri. U "The Karate Kid" (1984), uning davomi (1986) hamda Netflix'ning "Cobra Kai" (2018–...) serialidagi Jonni Lourens roli bilan tanilgan. 1980-yillarda u "Just One of the Guys" (1985) va "Back to School" (1986) komediyalarida suratga tushgan. Shuningdek, CBS telekanalining "The Equalizer" (1986–89) serialida bosh qahramonning oʻgʻli rolini ijro etgan. Bundan tashqari, u "National Lampoon's European Vacation" (1985) filmida Jek rolini oʻynagan. 1990 va 2000-yillarda u asosan mustaqil filmlarda suratga tushib, rejissyorlikni oʻrgangan. 2003-yilda Chexiya va Polshada suratga olingan "Most" qisqa metrajli filmiga ssenariy yozib, prodyuserlik qilgan. Mazkur film 2003-yilda Sundance kinofestivalida namoyish etilib, Palm-Springs xalqaro qisqa metrajli filmlar festivalida bosh mukofotni qoʻlga kiritgan. 2004-yilda esa ushbu film uchun "Oskar" mukofotining "Eng yaxshi qisqa metrajli badiiy film" nominatsiyasiga loyiq koʻrilgan.