William Hootkins

William Michael Hootkins 1948-yil 5-iyulda Dallas, Texasda tug‘ilgan. 70-yillarning boshida Londonga ko‘chib o‘tib, 2002-yilgacha o‘sha yerda yashagan. Prinston universitetida o‘qib yurgan kezlarida Theatre Intime teatrida aktyorlik qilgan va xitoy tilini mukammal o‘rgangan. Shuningdek, London musiqa va drama san'ati akademiyasida tahsil olgan. Katta gavdali aktyor sifatida 70-yillarning o‘rtalaridan kinofilmlar va teleko‘rsatuvlarda ko‘rinish bera boshlagan. Uning eng esda qolarli rollari orasida: "Star Wars" filmidagi o‘lim yulduziga hujum vaqtida halok bo‘lgan ilk uchuvchi, "Flash Gordon"dagi olim Topolning yordamchisi, "Raiders of the Lost Ark" filmidagi Major Eaton, "Batman"dagi korrupsioner leytenant hamda "The Breed" filmidagi v vampir obrazlari bor. Bundan tashqari, "The Trail of the Pink Panther" va "Curse of the Pink Panther" filmlarida taksi haydovchisi rolini ijro etgan. Televizion faoliyati davomida "Yanks Go Home", "Agony", "Play for Today" kabi loyihalarda mehmon bo‘lgan.