Walter Hahn

Walter Hahn, ringdagi taxallusi Gunther nomi bilan mashhur bo‘lgan avstriyalik professional kurashchi. Hozirda WWE tashkilotining Raw brendi vakili. 2018-yilda WWE bilan shartnoma imzolaganidan so‘ng, u 870 kun davomida NXT United Kingdom chempionligi unvonini ushlab turib, rekord o‘rnatgan. Shuningdek, 666 kunlik WWE Intercontinental chempionligi, ikki karra jahon og‘ir vazn toifasi chempionligi sohibi va 24-qirol (King of the Ring) unvoni sovrindori hisoblanadi. U Goldberg, John Cena va AJ Styles bilan xayrlashuv janglarida g‘alaba qozongan. WWE’ga qadar Hahn 2005-yilda IWA Switzerland tashkilotida debyut qilgan hamda Yevropada Big Van Walter, Big Daddy Walter va Walter nomlari bilan tanilgan. Ayniqsa, Westside Xtreme Wrestling (wXw) ligasida uch karra birlashgan jahon chempioni, to‘rt karra jahon juftlik chempioni hamda 2015-2020-yillarda wXw akademiyasi rahbari bo‘lgan. U xalqaro miqyosda BJW, Pro Wrestling ZERO1, PROGRESS, PWG va OTT kabi ko‘plab promoushenlarda ishtirok etgan. 2025-yilda Pro Wrestling Illustrated (PWI 500) ro‘yxatida 3-o‘rinni egallagan va 2018-2020-yillarda Wrestling Observer Newsletter tomonidan Yevropaning eng yaxshi kurashchisi deb topilgan.