Vladyslav Riashyn

Bosh produser, Star Media kino kompaniyasi asoschisi. 1970-yil 12-iyulda Zaporojye shahrida tug'ilgan. Zaporojye davlat universitetining roman-german filologiyasi fakultetini ingliz tili mutaxassisligi bo'yicha tamomlagan. 90-yillarning boshlarida televideniyeda o'z faoliyatini boshlagan: muallif, boshlovchi, produser, "Inter" telekanali boshqaruvi raisi lavozimlarida ishlagan. 2006-yilda Star Media kino kompaniyasiga asos solgan. Bugungi kunda Star Media teleradiokompaniyasi teledasturlar va seriallar ishlab chiqarish bo'yicha yetakchilardan biri hisoblanadi. Kompaniya yiliga taxminan 30 ta loyihani amalga oshiradi: televideniye uchun ko'p qismli filmlar, katta ekran uchun to'liq metrajli badiiy kinolar. Kompaniyaning o'ziga tegishli bo'lgan turli janrdagi tayyor mahsulot huquqlari kutubxonasi besh ming soatdan ortiq vaqtni tashkil etadi. Sharqiy va G'arbiy Yevropa, Xitoy, Yaponiya, AQSh, Isroil, Yaqin Sharq va boshqa mamlakatlarning telekanallari filmlarni namoyish etish huquqini sotib oladilar. Xalqaro televideniye san'ati va fanlari akademiyasi (EMMY) hamda Yevropa kino akademiyasi a'zosi.