Vladislav Abashin

Vladislav Abashin 1979-yilda Rossiyaning Ryazan shahrida tug‘ilgan. Chilangarlik kasbini egallab, «Sabateus Charabede» rok guruhida o‘ynagan. 1997-yildagi avtohalokatdan so‘ng, davolanish jarayonida klassik adabiyotga qiziqib, teatr san'ati sari yo‘nalgan. 1999-yilda Moskvaga ko‘chib o‘tib, Rossiya teatr san'ati institutining rejissorlik kursiga o‘qishga kirgan. O‘qishni tamomlab, televideniye loyihalarida faoliyatini boshlagan va tez orada katta kinoga o‘tgan. «In the Fog» (Sergey Loznitsa, 2012) hamda Aleksandr Melnikning «Territory» (2015) va «Terra Nova» (2008) filmlaridagi rollari bilan mashhur.